DES Teachers' Holiday messages through Original Christmas Poems Compositions

PASKO

by Elisa M. Ochinang

Ang Pasko ay si Hesus

Isinilang anak ng Diyos

At siya ang tumubos sa kasalanang lubos

Ang Pasko ay pagmamahalan

Kaya tayo’y  mag-ibigan

Saan man dako naroon

Sa lahat ng panahon

Ang Pasko ay pagbibigayan

Kaya lahat ay inaanyayahan

Na magbigayan

Kahit walang kapalit na inaasahan

Ang Pasko ay araw ng kasayahan

Saan mang dako sa mundo ay nagtatawanan

Kaya sino ka man ay inaanyayahan

Upang ang diwa ng Pasko ay makakamtan

WANPIPTI

by Marjorie M. Lemon

Paskong may galak

Damdami'y humahalakhak.

Ngayong kapanganakan ni Kristo

Tayo'y maging honesto.

Mga ilaw ay kumikislap-kislap,

Malamig na hangin ay nalalanghap.

Ibahagi ang pag-ibig,

Mula sa pusong maligalig.

Puso'y muling hahagkan

Ng sayang hindi mapapantayan.

Diwa ng pasko'y mahalaga

Ito’y kaarawan ni Hesus na dakila.

Mabuting mungkahi,

Ngayong pasko'y umibig.

Dahil ang pusong mapagbunyi,

Nabibigyan ng wanpipti.

SA PASKONG DARATING

By: MARICEL S. EDUARTE

Sa paskong darating

Aking hinihiling

Na ikaw ay aking makapiling

Masakit man isipin na wala ka saakin

Oh! Mahal ko akoy nagsusumamo

Sa darating na pasko, ikaw ay makapiling ko

Ang lagi kong hiling, sana’y iyong dinggin

Akoy umaasa na ikay nasa aking piling

Kay hirap ng ganitong nararamdaman ko, sa araw ng pasko

Ako’y nalilito bakit ganito

Kaya panalangin ko sa susunod na pasko

Ikaw ay makasama ko oh! Mahal ko sa darating na pasko.

ANG DIWA NG PASKO

By: CRISELLE S. RAVANILLA

Ang tunay na diwa ng pasko

Ay pagmamahal at pagbubuklod ng bawat tao

Nais kong ipabatid, ang diwa ng pasko

Ay ang pagmamahal ng ating kapwa tao

Pagibig sa puso, nati’y hindi magbabago

Kung palaging nandiyan panginoong hesu kristo

Ang pagbibigay ng oras at pagmamahal

Ang tunay na sangkap ng maligayang pasko;

PASKO

by Janet G. Sibolboro

Pasko na naman

Araw ng pagbibigayan

Pamilyang nagkakasiyahan

Masayang nag-aawitan

Ligaya sa mata ng bata

Makikita ang tuwa

Munting hiling

Sa paskong darating

Ang pasko’y gawing puno ng galak

Hirap may dumatinghindi masisindak

Kapaskuhan hatid ay pag-asa

Sa diyos lang tayo magtiwala

Pasko araw ng pagbabago

Pagpapatawad ng bawat puso

Munting regalong naibgay

Malaking tuwa ang taglay

  PASKO

by MARLYN C. CASABAR

Isa  dalawa tatlo papalapit na ang pasko

Apat,lima anim ramdam kong ang maginaw na hangin,

At nang sa pagaganap ng kapaskuhan

Maningning ang kapaskuhan tunay na kabuluhan.

Paskong kay saya at kaliga ligaya

Taglayng pagmamahal ng bawat isa

Kong iyong sasabihin tunay na kahulugan mararamdaman

Tunay .na kapaskuhankung tignan ang simbolo ng kapaskuhan.

Hindi sa material na bagay mapapatunayan ,

Bagkos ito ay nasa puso

Waring puso ang mararamdaman

Taglay na pagmamahal.

ANG PASKO

Maristela E. De Peralta

Pasko! Pasko!

Napaka saya ng pasko

Maraming Pagkain, Maraming Regalo

Panahon ng Pagmamahalan

Panahon ng Pagbibigayan

Tayo ay Magsaya sa araw na ito.

Dahil ito ang Kaarawan

Ng ating mahal na

Hesu Kristo